1 րոպեի ընթերցում
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Թուրքիան և Եգիպտոսը դիվանագիտական հարաբերությունների մակարդակը բարձրացնելով՝ վերջին 10 տարում առաջին անգամ փոխադարձաբար դեսպաններ են նշանակել: «Արմենպրես»-ի փոխանցմամբ՝ այս մասին հայտնում է «Ինտերֆաքս»-ը՝ վկայակոչելով Թուրքիայի արտաքին գործերի նախարարության հայտարարությունը:
«Թուրքիան և Եգիպտոսը հայտարարում են, որ երկրների միջև դիվանագիտական հարաբերությունները բարձրացրել են դեսպանությունների մակարդակի», - մեջբերում են ԶԼՄ-ները ԱԳՆ մամուլի հաղորդագրությունից:
Եգիպտոսում Թուրքիայի նոր դեսպան է նշանակվել Իսլամական համագործակցության կազմակերպությունում երկրի նախկին ներկայացուցիչ Սալիհ Մութլու Շենը: Եգիպտական կողմն առաջարկել է Անկարայում դեսպան նշանակել Ամրա Էլհամամին:
«Այդ քայլն ուղղված է երկու երկրների միջև հարաբերությունների կարգավորմանը և արտացոլում է երկկողմ հարաբերությունները Թուրքիայի և Եգիպտոսի ժողովուրդների շահերին համապատասխան զարգացնելու փոխադարձ ձգտումը»,-ընդգծվում Է փաստաթղթում: