Վիրավորում ստացած զինծառայողներ չկան. Արցախի ՊՆ-ն հորդորում է ստահոդ և կեղծ լուրեր չշրջանառել
1 րոպեի ընթերցում
![Վիրավորում ստացած զինծառայողներ չկան. Արցախի ՊՆ-ն հորդորում է ստահոդ և կեղծ լուրեր չշրջանառել](http://armenpress.am/resized/480/static/news/b/2023/06/1114326.jpg)
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ։ Արցախի Հանրապետության պաշտպանության նախարարությունը հորդորում է ստահոդ և կեղծ լուրեր չշրջանառել, դիտավորությամբ ապատեղեկատվության չտարածել:
«Համացանցի որոշ օգտատերեր շրջանառում են ստահոդ տեղեկություններ այն մասին, թե իբր հունիսի 28-ին ադրբեջանական սադրանքի հետևանքով վիրավորում է ստացել պաշտպանության բանակի 8 զինծառայող:
Եվս մեկ անգամ հորդորում ենք ստահոդ և կեղծ լուրեր չշրջանառել, դիտավորությամբ ապատեղեկատվության չտարածել»,- «Արմենպրես»-ի փոխանցմամբ՝ նշված է Արցախի ՊՆ-ի տարածած հաղորդագրության մեջ:
Հաղորդագրության մեջ ևս մեկ անգամ հիշեցվում է, որ հունիսի 28-ին ադրբեջանական սադրանքի հետևանքով զոհվել է ՊԲ 4 զինծառայող, վիրավորում ստացած զինծառայողներ չկան: