ՀՀ ԶՈՒ գլխավոր շտաբի պետն իրականացնում է զորքերի պատրաստության աստիճանի գնահատման համալիր ստուգումներ
1 րոպեի ընթերցում
![ՀՀ ԶՈՒ գլխավոր շտաբի պետն իրականացնում է զորքերի պատրաստության աստիճանի գնահատման համալիր ստուգումներ](http://armenpress.am/resized/480/static/news/b/2023/06/1113541.jpg)
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: ՀՀ զինված ուժերի գլխավոր շտաբի պետ, պաշտպանության նախարարի 1-ին տեղակալ, գեներալ-մայոր Էդվարդ Ասրյանի կողմից 2023 թվականի 1-ին կիսամյակում զորքերի պատրաստության աստիճանը գնահատելու և ամփոփելու շրջանակներում իրականացվում են մարտական պատրաստականության, պատրաստության, մարտունակության, զորքերի կառավարման և ապահովման կազմակերպման համալիր ստուգումներ:
Ինչպես «Արմենպրես»-ին տեղեկացրին ՀՀ պաշտպանության նախարարությունից, ստուգումներին ներգրավված են ինչպես համազորային, այնպես էլ զորատեսակների ու հատուկ զորքերի ուժեր ու միջոցներ: