1 րոպեի ընթերցում
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Իրանը շուտով կներկայացնի իր գերձայնային բալիստիկ հրթիռը: «Արմենպրես»-ի փոխանցմամբ՝ ինչպես հայտնում է IRNA-ն՝ այս մասին հայտարարել Իսլամական հեղափոխության պահապանների կորպուսի օդատիեզերական ուժերի հրամանատար, գեներալ Ամիր Ալի Հաջիզադեն:
Հաջիզադեն գերձայնային բալիստիկ հրթիռի ստեղծման մասին առաջին անգամ հայտարարել էր անցյալ տարվա նոյեմբերին:
Նրա խոսքով՝ այդ հրթիռն ունի մեծ արագություն և կարող է մանևրել մթնոլորտում:
«Այս հրթիռն ուղղված է հակառակորդի հակահրթիռային համակարգերին: Այն մեծ թռիչք է հրթիռային տեխնոլոգիաների զարգացման ոլորտում», - ասել է Հաջիզադեն։