ՀՀ ՆԳ նախարար Ղազարյանը Լիտվայում կքննարկի երկկողմ համագործակցության մի շարք հարցեր

ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի որոշմամբ՝ ներքին գործերի նախարար Վահե Ղազարյանը հունիսի 11-14-ը կգործուղվի Լիտվա (Վիլնյուս)՝ երկկողմ համագործակցության մի շարք հարցեր քննարկելու նպատակով:

Ինչպես «Արմենպրես»-ը տեղեկացավ ՀՀ էլեկտրոնային կառավարման կայքում հրապարակված որոշումից, Վահե Ղազարյանի՝ Լիտվայի գործուղման ծախսերը կկատարվեն ՀՀ 2023 թվականի պետական բյուջեով ներքին գործերի նախարարությանը հատկացված միջոցների հաշվին՝ միջծրագրային վերաբաշխման միջոցով։