Սևանի քրեական հետախույզները Երևանի ավտոկայանում հայտնաբերված հետախուզվողին ներկայացրել են վարույթն իրականացնող մարմին
1 րոպեի ընթերցում
![Սևանի քրեական հետախույզները Երևանի ավտոկայանում հայտնաբերված հետախուզվողին ներկայացրել են վարույթն իրականացնող մարմին](http://armenpress.am/resized/480/static/news/b/2023/05/1111603.jpg)
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Ոստիկանության Սևանի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում մայիսի 22-ին, ժամը 15.40-ին, Երևան քաղաքի Ծովակալ Իսակովի պողոտայում գտնվող ավտոկայանում հայտնաբերվել և բաժին է տեղափոխվել 1990 թ. ծնված Խաչիկ Գ.-ն, որը մայիսի 17-ից հետախուզվում էր ՀՀ քրեական օրենսգրքի 254-րդ հոդվածի 2-րդ մասի 1-ին և 3-րդ կետերի, 254-րդ հոդվածի 2-րդ մասի 1-ին, 3-րդ և 4-րդ կետերի մեղադրանքով:
Ինչպես «Արմենպրես»-ին տեղեկացրին ՀՀ ներքին գործերի նախարարության ոստիկանությունից, Խաչիկ Գ.-ն ներկայացվել է վարույթն իրականացնող մարմին:
Խափանման միջոց է ընտրվել բացակայելու արգելքը:
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: