Դեսպան Ավետիսյանը Սևիլյայի համալսարանում քննարկել է ՀՀ բուհերի հետ համագործակցության հարցեր
1 րոպեի ընթերցում
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Անդալուսիա աշխատանքային այցի շրջանակներում Իսպանիայում Հայաստանի դեսպան Սոս Ավետիսյանը հանդիպել է Սևիլյայի համալսարանի միջազգային համագործակցության պատասխանատու Անդրես Լուկե Տերուելի հետ։
Ինչպես «Արմենպրես»-ը տեղեկացավ դեսպանության «Ֆեյսբուք»-ի էջից, հանդիպման ընթացքում քննարկվել են Հայաստանի բուհերի հետ համագործակցության զարգացմանն ու հայագիտության ոլորտում համատեղ ծրագրերի իրականացմանն առնչվող հարցեր։