Դամասկոսը հայտարարել է, որ քառակողմ հանդիպման ժամանակ քննարկվել է Սիրիայից Թուրքիայի ուժերի դուրսբերման հարցը
1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ։ Ռուսաստանի, Իրանի, Սիրիայի և Թուրքիայի պաշտպանության նախարարները և հետախուզական ծառայությունների պետերը Մոսկվայում կայացած քառակողմ հանդիպման ժամանակ քննարկել են իրավիճակը Սիրիայի հյուսիսային շրջաններում: «Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ վկայակոչելով Սիրիայի Պաշտպանության նախարարության հայտարարությունը:
«Բանակցությունների մասնակիցները քննարկել են սիրիական տարածքից Թուրքական զորքերի դուրսբերման հարցը: Քննարկվել է նաև Մ4 միջազգային մայրուղով տեղաշարժի վերաբերյալ հատուկ համաձայնագրի իրականացումը»,- նշվում Է փաստաթղթում: