Հրշեջները մարել են Գյումրու տներից մեկում բռնված հրդեհը

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Շիրակի մարզային ճգնաժամային կառավարման կենտրոնն ապրիլի 25-ին, ժամը 16։01-ին ահազանգ է ստացել, որ հրդեհ է բռնկվել Գյումրի քաղաքի Խրիմյան Հայրիկ փողոցի 2-րդ նրբանցքի տներից մեկում:

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։

Ըստ աղբյուրի՝ հրդեհը մեկուսացվել է ժամը 16:32-ին, մարվել՝ 17:00-ին: Այրվել են հյուրասենյակի հատակը (մոտ 4 քմ), կենցաղային իրեր և ջերմահարվել՝ նկուղի առաստաղը (մոտ 10 քմ):