Վրաստանի վարչապետը հայտարարել Է ՆԱՏՕ-ի հետ համագործակցությունը խորացնելու պատրաստակամության մասին
1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Վրաստանը ՆԱՏՕ-ի հուսալի գործընկերն է և պատրաստ է դաշինքի հետ համագործակցության էլ ավելի խորացմանը: «Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ վկայակոչելով Վրաստանի վարչապետ Իրակլի Ղարիբաշվիլիի հայտարարությանը։
«Վրաստանը, որպես ամենահուսալի գործընկերներից մեկը, բավականին լավ փորձ ունի դաշինքի առաքելություններում ներդրում կատարելու առումով: Մենք նպաստում ենք եվրաատլանտյան անվտանգությանը և խաղաղությանը: <...> Մենք պատրաստ ենք էլ ավելի խորացնել մեր քաղաքական երկխոսությունը և ՆԱՏՕ-ի հետ համագործակցությունը բոլոր հարթություններում»,-ասել Է Ղարիբաշվիլին:
Վրաստանի վարչապետը ապրիլի 24-ին աշխատանքային այցով մեկնել է Բրյուսել: Ղարիբաշվիլին արդեն բանակցություններ է վարել Եվրախորհրդի ղեկավար Շառլ Միշելի հետ: