1 րոպեի ընթերցում
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ։ Հայաստանի նախագահ Վահագն Խաչատուրյանի հրամանագրով Արմեն Եգանյանը նշանակվել է Բրազիլիայում Հայաստանի դեսպան։
«Արմենպրես»-ի փոխանցմամբ՝ համապատասխան հրամանագիրը հրապարակվել է ՀՀ նախագահի պաշտոնական կայքում։
Արմեն Եգանյանը 2011-2017 թվականին զբաղեցրել է Կանադայում ՀՀ արտակարգ և լիազոր դեսպանի պաշտոնը։ 2017-2018թթ․ զբաղեցրել է ՀՀ ԱԳՆ պետական արարողակարգի ծառայության պետի պաշտոնը, 2018թ․ հունիս-օգոստոսին եղել է ՀՀ ԱԳ նախարարի խորհրդականը։ 2018-2020թթ․ Արմեն Եգանյանը զբաղեցրել է ՀՀ ԱԳՆ քաղաքական ծրագրավորման վարչության պետի պաշտոնը, իսկ 2020թ-ից՝ ՀՀ ԱԳՆ ամերիկյան երկրների վարչության պետի պաշտոնը։