Աշտարակում մոտ 250 հակ անասնակեր է այրվել

ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Արագածոտնի մարզային ճգնաժամային կառավարման կենտրոնը մարտի 6-ին, ժամը 14։38-ին ահազանգ է ստացել, որ Աշտարակ քաղաքում այրվում է կուտակած անասնակեր։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։

Ըստ աղբյուրի՝ հրդեհը մեկուսացվել է ժամը 14։59-ին, մարվել՝ 15։18-ին։ Այրվել է մոտ 250 հակ անասնակեր։