Տավուշի մարզում այրվել է մոտ 10 հա խոտածածկույթ

ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Տավուշի մարզային ճգնաժամային կառավարման կենտրոն մարտի 1-ին, ժամը 18։37-ին տեղեկություն է ստացվել, Բերդ-Վերին Կարմիրաղբյուր ավտոճանապարհի ձախակողմյան հատվածում այրվում է խոտածածկ տարածք։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։

Ըստ աղբյուրի՝ հրդեհը մեկուսացվել է ժամը 19:29-ին, մարվել՝ 19:34-ին: Այրվել է մոտ 10 հա խոտածածկույթ: