Թուրքիայի նոր երկրաշարժի հետևանքով վնասվել է Վաքըֆլըի հայկական եկեղեցու զանգակատունը
1 րոպեի ընթերցում
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ։ Թուրքական Հաթայ նահանգում փետրվարի 20-ին գրանցված 6,4 և 5,8 մագնիտուդով երկրաշարժերի հետևանքով զգալիորեն վնասվել են Թուրքիայի միակ հայկական գյուղի՝ Վաքըֆլըի շենքերն ու շինությունները։ Մարդկային կորուստներ չկան։
Ինչպես հաղորդում է «Արմենպրես»-ը, Պոլսո Հայոց պատրիարքարանից հայտնել են, որ վնասվել է գյուղի հայկական Սուրբ Աստվածածին եկեղեցու զանգակատունը և պատերը։ Վնասներ է կրել նաև նախկին հյուրանոցի պատը։