1 րոպեի ընթերցում
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Թուրքիայում երկրաշարժից տուժած շրջաններում գրեթե 118 հազար շենք փլուզվել է, մեծ վնաս կրել կամ հասել այն իրավիճակին, որ ենթակա է քանդման:
Այս մասին, ինչպես հաղորդում է «Արմենպրես»-ը, հայտնում է Թուրքիայի բնապահպանության և քաղաքաշինության նախարար Մուրադ Քուրումը:
Նրա խոսքով՝ երկրաշարժից տուժած 11 նահանգներում ստուգվել է 925 հազար շենք։
«Դրանցից մոտ 118 հազարը կա՛մ փլուզվել է, կա՛մ մեծ վնաս է կրել, կա՛մ ենթակա է անհապաղ քանդման»,- ասել է նա: