Արարատի մարզի Մրգավան գյուղում ՃՏՊ է տեղի ունեցել (թարմացված)

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Արարատի մարզային ճգնաժամային կառավարման կենտրոնը փետրվարի 12-ին, ժամը 16:30-ին ահազանգ է ստացել, որ Մրգավան գյուղում տեղի է ունեցել ՃՏՊ․ անհրաժեշտ է փրկարարների օգնությունը։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։

Պարզվել է, որ Արտաշատ-Մրգավան ավտոճանապարհի 2-րդ կմ-ին բախվել են «Opel Vectra» (վարորդ` Ա. Գ., ծնված 1975 թ.) և «VAZ-2121» (վարորդ՝ Հ․ Հ․, ծնված 1975 թ․) մակնիշների ավտոմեքենաները, ինչի հետևանքով «VAZ-2121» մակնիշի ավտոմեքենան կողաշրջվել է։ Տուժած Ա․Գ․-ն հոսպիտալացվել է Արտաշատի բժշկական կենտրոն։

Փրկարարները հոսանքազրկել են «VAZ-2121» մակնիշի ավտոմեքենան, փակել գազի բալոնի փականը և ուղղել այն։