1 րոպեի ընթերցում
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ։ Աղետալի երկրաշարժի հետևանքով Սիրիայում ամբողջությամբ ավերվել է 10 դպրոց, իսկ 599-ը մասնակի են վնասվել։ «Արմենպրես»-ի փոխանցմամբ, այս մասին հայտնել է Սիրիայի կրթության նախարար Դարեմ Թաբան։
Տեղական հեռուստաընկերություններից մեկին տված հարցազրույցում նա տեղեկացրել է, որ նախարարությունը 129 ուսումնական շենքեր հատկացրել է տուժածների ժամանակավոր կացության համար։
Թուրքիան և Սիրիան ցնցած ավերիչ երկրաշարժի զոհերի թիվը հասել է 24 հազար 178-ի։ Մասնավորապես, Թուրքիայում զոհերի թիվը առնվազն 20 հազար 655 է, վիրավորների թիվը՝ ավելի քան 80 հազար։ Սիրիայում զոհերի թիվը 3513 է, մի քանի հազար մարդ վիրավոր է։