ՀՀ ֆինանսների նախարարությունը ներկայացրել է պետական խնայողական արժեկտրոնային պարտատոմսերի եկամտաբերության տվյալները

ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության ֆինանսների նախարարությունը տեղեկացնում է, որ Գանձապետական պահառուի միջոցով վաճառվում են խնայողական արժեկտրոնային պարտատոմսեր հետևյալ պայմաններով` 6 ամիս` 8.5%, 12 ամիս` 9.0%, 24 ամիս` 9.2% և 36 ամիս` 9.5% տարեկան եկամտաբերությամբ: «Արմենպրես»-ի հաղորդմամբ՝ խնայողական արժեկտրոնային պարտատոմսերի հետգնման իրավունքը հնարավորություն է ընձեռում մինչև մարման ժամկետի լրանալը, հետգնման օրը, հետ վերադարձնել պարտատոմսերը` ստանալով նաև մինչ հետգնումը հաշվարկված ամբողջ տոկոսագումարը:

Վաճառքում առկա պետական խնայողական արժեկտրոնային պարտատոմսեր
Մարման ժամկետ	Հետգնման իրավունք	Տարեկան եկամտաբերություն
6 ամիս	3 ամիս հետո	8.5%
12 ամիս	9 ամիս հետո	9.0%
24 ամիս	15, 18 և 21 ամիս հետո	9.2%
36 ամիս	27, 30 և 33 ամիս հետո	9.5%

«ՀՀ ֆինանսների նախարարության Գանձապետական պահառուի միջոցով պետական պարտատոմսեր կարող եք ձեռք բերել առցանց եղանակով՝ www.gp.minfin.am կայքի միջոցով կամ այցելել սպասարկման կետեր, որոնք գտնվում են հետևյալ հասցեներում՝

• Ամիրյան 23/1,
• Տիգրան Մեծի 24,
• Կոմիտաս 49:

Պետական պարտատոմսեր ձեռք բերելիս ֆիզիկական անձանց եկամուտը չի հարկվում:

Պետական պարտատոմսերի վերաբերյալ տեղեկատվություն կարող եք ստանալ www.minfin.am ինտերնետային կայքից:

Հեռախոսներ՝ 011 910 422 և 011 910 416»,- ասվում է հայտարարության մեջ: