Ժաննա Անդրեասյանը նշանակվել է ՀՀ ԿԳՄՍ նախարար

ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության նախագահ Վահագն Խաչատուրյանի հրամանագրով Ժաննա Անդրեասյանը նշանակվել է Հայաստանի կրթության, գիտության, մշակույթի և սպորտի նախարար: «Արմենպրես»-ի փոխանցմամբ՝ ՀՀ նախագահի հրամանագիրը հրապարակվել է ՀՀ նախագահի պաշտոնական կայքում:

Ժաննա Անդրեասյանը մինչ այս զբաղեցնում էր ՀՀ ԿԳՄՍ նախարարի տեղակալի պաշտոնը:

Դեկտեմբերի 12-ին ՀՀ նախագահի հրամանագրով Վահրամ Դումանյանն ազատվել էր ՀՀ ԿԳՄՍ նախարարի պաշտոնից: