1 րոպեի ընթերցում
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի արևմուտքում՝ Ստամբուլից 210 կմ հեռավորության վրա գտնվող Դյուզջե քաղաքի մոտ, 6.0 մագնիտուդ հզորությամբ երկրաշարժ է տեղի ունեցել: Ցնցումներն այնքան ուժգին են եղել, որ զգացվել են նույնիսկ Ստամբուլում և մայրաքաղաք Անկարայում: Իշխանությունները հաղորդել են առնվազն 35 վիրավորի մասին: Այս մասին «Արմենպրես»-ը տեղեկանում է BBC-ից:
Հաղորդվում է, որ երկրաշարժի գոտում հոսանքազրկումներ են եղել, որոշ բնակիչներ դուրս են թռել պատշգամբներից:
Առաջին երկրաշարժից մոտ 20 րոպե անց ևս մեկ երկրաշարժ է տեղի ունեցել՝ 4.7 մագնիտուդ հզորությամբ:
Սոցիալական ցանցերի օգտատերերը երկրաշարժի պահը պատկերող տեսանյութեր են հրապարակել:
Footage of the moment 5,9 magnitude #quake hit Düzce in northern Turkey. Tremors also felt across Istanbul and Ankara. 18 aftershocks recorded. No casualties or major damage reported so far. In Nov 99 in a 7,2 quake that hit Düzce over 800 ppl were killed pic.twitter.com/PUkZxGjl9N
— Selin Girit (@selingirit) November 23, 2022
1999 թ.-ին Դյուզջեում ևս մեկ ուժգին երկրաշարժ էր տեղի ունեցել, որը 845 մարդու կյանք էր խլել: