Հասարակական

Արմավիրի մարզի եզդիաբնակ Ֆերիկ համայնքում հիմնվել է նախադպրոցական առաջին հաստատությունը

6 րոպեի ընթերցում

Արմավիրի մարզի եզդիաբնակ Ֆերիկ համայնքում հիմնվել է նախադպրոցական առաջին հաստատությունը

ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը նոյեմբերի 11-ին այցելել է Արմավիրի մարզի եզդիաբնակ Ֆերիկ համայնք, որտեղ առաջին անգամ նախադպրոցական տարիքի երեխաները հնարավորություն ունեն հաճախելու նախակրթարան:

Ինչպես «Արմենպրես»-ին տեղեկացրին ՀՀ կրթության, գիտության, մշակույթի և սպորտի նախարարությունից, ԿԳՄՍ նախարարի տեղակալին ուղեկցել են ՀՀ Արմավիրի մարզպետ Էդվարդ Հովհաննիսյանը և ԿԳՄՍՆ հանրակրթության վարչության պետ Արսեն Բաղդասարյանը:

«Նախադպրոցական այլընտրանքային ծառայություններ ձևավորելու համար 2021 թվականից մեկնարկած պետական ծրագրով բյուջեից տրամադրվում է դրամաշնորհ: Նպատակը նախադպրոցական ծառայությունները հնարավորինս հասանելի դարձնելն է՝ նպաստելով երեխաների՝ վաղ տարիքում զարգացմանը և կարողությունների ընդլայնմանը: Դրամաշնորհային մրցույթի կարևոր նախապայմաններից մեկը ստեղծված ենթակառուցվածքների պահպանումն ու նախադպրոցական ծառայությունների շարունակականության ապահովումն է, որը պետք է իրականացնեն համայնքները:

Ֆերիկ համայնքը դրամաշնորհի համար դիմած 10 բնակավայրերից մեկն է, այստեղ արդեն հիմնված նախակրթարանում ձևավորվել է խումբ, որտեղ հաճախում են համայնքի՝ 4-5 տարեկան բոլոր երեխաները: Ուսումնական պլանն ամբողջովին իրականացվում է՝ համաձայն նախադպրոցական կրթության պետական ծրագրի»,- ասվում է հաղորդագրության մեջ:

Ըստ աղբյուրի՝ Ժաննա Անդրեասյանն իր խոսքում կարևորել է ազգային փոքրամասնություններով բնակեցված բնակավայրերում նախադպրոցական ծառայությունների ընդլայնումը. «Կառավարության ծրագրով բոլոր բնակավայրերի երեխաների համար նախադպրոցական ծառայությունները հասանելի դարձնելու խնդիր ենք դրել: Ֆերիկում նախադպրոցական հաստատություն երբեք չի եղել: Ուրախ եմ, որ արդեն տեղում հնարավոր է կազմակերպել այս կրթությունը, որը շատ կարևոր է երեխաների հետագա զարգացման համար: Հուսով եմ՝ երեխաների թիվն էլ տարեցտարի կավելանա»:

Նա նաև նշել է, որ ՀՀ կառավարության գործունեության ծրագրով նախատեսվում է ընդլայնել նախադպրոցական ծառայությունների ծավալը, մասնավորապես երեխաների ընդգրկվածությունը նախադպրոցական հաստատություններում հասցնելով առնվազն 70 տոկոսի:

Նշվում է, որ նախակրթարանի հիմնումը կարևորել է նաև Ֆերիկի հիմնական դպրոցի տնօրեն Նարինե Ֆարֆարյանը. «Առաջին անգամ դպրոց հաճախող երեխաները հիմնականում չէին կարողանում հայերեն խոսել և հաղորդակցվել, իսկ դա խանգարում էր տարբեր առարկաների ուսուցմանը: Նախակրթարանի հիմնմամբ այդ խնդիրն այսօր լուծվում է, քանի որ այնտեղ դասընթացներն իրականացվում են հայերենով»:

Ֆարֆարյանի խոսքով՝ այս պահին հիմնական դպրոցում և նախակրթարանում իրականացվում են ջեռուցման համակարգի տեղադրման աշխատանքները, ավարտվել է ջրամատակարարման ապահովումը, շուտով արդեն կվերանորոգվի և կկահավորվի ճաշարանը, որտեղ հունվարից կիրականացվի տարրական դասարաններում տաք սննդի ապահովման պետական ծրագիրը:

«Կատարված աշխատանքներից հետո դպրոցի առաջնային խնդիրը մարզադահլիճի և հանդիսությունների դահլիճի բացակայությունն է: Ամեն դեպքում, ունենք վստահություն, որ բոլոր խնդիրներն էլ ժամանակի ընթացքում լուծվելու են»,- նշում է դպրոցի տնօրենը:

ՀՀ ԿԳՄՍ նախարարության տեղեկացմամբ՝ Ժաննա Անդրեասյանը շրջայց է կատարել Ֆերիկի հիմնական դպրոցում, հետևել տարբեր դասարաններում իրականացվող ուսումնական պրոցեսին, զրուցել մանկավարժների և աշակերտների հետ: Նախարարի տեղակալը կարևորել է ազգային փոքրամասնություններով բնակեցված բնակավայրերի նկատմամբ պետական հոգածությունը՝ շեշտելով մայրենի լեզվի ուսուցանման արդյունավետության բարելավումը:

ԿԳՄՍ նախարարի տեղակալի խոսքով՝ պետությունը շարունակաբար խրախուսում է ազգային փոքրամասնությունների ներկայացուցիչների լեզվի իմացությունը՝ պետական հանրակրթական դպրոցներում ապահովելով համապատասխան կրթություն. «Եզդիերենը, ասորերենը, քրդերենն այսօր դասավանդվում են այն համայնքային դպրոցներում, որտեղ համապատասխան բնակչություն կա: Ունենք հաստատված առարկայական ծրագրեր, հանրակրթության պետական չափորոշչում հստակ ամրագրված է՝ ազգային փոքրմասություների մայրենի լեզուն ուսումնական պլանի մաս է կազմում: Մենք նաև պետական բյուջեի միջոցներով ամեն տարի տպագրում ենք անհրաժեշտ դասագրքերն ու դրանք անվճար տրամադրում դպրոցներին: Այս տարվանից ազգային փոքրամասնությունների լեզուն և գրականությունը դասավանդող ուսուցիչների հնարավորություն ունեն մասնակցելու կամավոր ատեստավորմանը և օգտվել սահմանված հավելավճարներից»:

Ժաննա Անդրեասյանին տեղեկացրել են, որ Ֆերիկի հիմնական դպրոցի եզդիերենի ուսուցիչ Ռուստամ Հասոյանը մասնակցել է կամավոր ատեստավորմանն ու հաղթահարել 70 տոկոսի շեմը, ինչի շնորհիվ նրա աշխատավարձը կբարձրանա:

«Շատ ուրախ եմ, որ այս դպրոցի ուսուցիչը մասնակցել ու հաջող արդյունք է գրանցել, այժմ արդեն կունենա բարձրացված դրույքաչափ և հավելավճար: Սա շարունակական քաղաքականություն է և պարբերաբար այսպիսի այցեր ունենալու եմ նաև մյուս դպրոցներ»,- եզրափակել է Ժաննա Անդրեասյանը:

Նա Ֆերիկի միջնակարգ դպրոցի մյուս ուսուցիչներին ևս հորդորել է մասնակցել կամավոր ատեստավորմանը:

Մշա­կու­թա­յին արժեքների փորձաքննություն անցկացնող 9 մասնագետ հավատարմա­գրվել է

Կրթություն

Մշա­կու­թա­յին արժեքների փորձաքննություն անցկացնող 9 մասնագետ հավատարմա­գրվել է

Մեկնարկել է նոր մագիստրոսական ծրագիր՝ միտված շրջակա միջավայրի վրա ձկնային տնտեսությունների բացասական ազդեցությունը նվազեցնելուն

Կրթություն

Մեկնարկել է նոր մագիստրոսական ծրագիր՝ միտված շրջակա միջավայրի վրա ձկնային տնտեսությունների բացասական ազդեցությունը նվազեցնելուն

Կառավարությունը հաստատեց «Հայոց պատմություն» առարկան «Հայաստանի պատմություն» անվանմամբ վերափոխելու նախագիծը

Կրթություն

Կառավարությունը հաստատեց «Հայոց պատմություն» առարկան «Հայաստանի պատմություն» անվանմամբ վերափոխելու նախագիծը

ԱՄՆ-ի տարբեր նահանգներից Հայաստանում վերապատրաստվող ուսուցիչներն իրենց երկրում կդասավանդեն Հայոց ցեղասպանության պատմությունը

Կրթություն

ԱՄՆ-ի տարբեր նահանգներից Հայաստանում վերապատրաստվող ուսուցիչներն իրենց երկրում կդասավանդեն Հայոց ցեղասպանության պատմությունը

Հայաստանն ու Ռումինիան կշարունակեն համագործակցությունը կրթության ոլորտում

Կրթություն

Հայաստանն ու Ռումինիան կշարունակեն համագործակցությունը կրթության ոլորտում

Հայաստանում դպրոցների տնօրենների ընտրությունը կիրականացվի նոր եղանակով

Կրթություն

Հայաստանում դպրոցների տնօրենների ընտրությունը կիրականացվի նոր եղանակով

Ուսուցիչների կամավոր ատեստավորումը կանցկացվի նոր ձևաչափով

Կրթություն

Ուսուցիչների կամավոր ատեստավորումը կանցկացվի նոր ձևաչափով

Ձգտում եմ, որ հայ-չեխական բարեկամությունն ավելի խորանա և սերտ կապերի համար ստեղծվեն ավելի լայն հնարավորություններ. Դիանա Խոջայան

Սփյուռք

Ձգտում եմ, որ հայ-չեխական բարեկամությունն ավելի խորանա և սերտ կապերի համար ստեղծվեն ավելի լայն հնարավորություններ. Դիանա Խոջայան

Պետք է անել հնարավորը, որ սերունդը սիրի սովորելը. մեկնարկել է համահայկական գիտակրթական  աշխատաժողովը

Կրթություն

Պետք է անել հնարավորը, որ սերունդը սիրի սովորելը. մեկնարկել է համահայկական գիտակրթական աշխատաժողովը

Ուսուցիչների հերթական ատեստավորումը կիրականացվի նոր կարգով

Կրթություն

Ուսուցիչների հերթական ատեստավորումը կիրականացվի նոր կարգով

ԿԳՄՍՆ-ի կողմից երաշխավորված ավելի քան 40 անուն նոր դասագիրք արդեն տպագրության փուլում է

Կրթություն

ԿԳՄՍՆ-ի կողմից երաշխավորված ավելի քան 40 անուն նոր դասագիրք արդեն տպագրության փուլում է

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում