368.59
ՀՀ ԱԺ նախագահն ու Արցախի նախագահը կարևորել են միասնական ջանքերով հայկական զույգ պետությունների առջև ծառացած մարտահրավերների հաղթահարումը
1 րոպեի ընթերցում
ԵՐԵՎԱՆ, 14 ՀՈԿՏԵՄԲԵՐԻ, ԱՐՄԵՆՊՐԵՍ: Արցախի Հանրապետության նախագահ Արայիկ Հարությունյանի գլխավորած պատվիրակությունը հոկտեմբերի 14-ին Երևանում հանդիպում է ունեցել Հայաստանի Հանրապետության Ազգային ժողովի նախագահ Ալեն Սիմոնյանի հետ։
Ինչպես «Արմենպրես»-ը տեղեկանում է Արցախի նախագահի աշխատակազմի տարածած հաղորդագրությունից, հանդիպման ընթացքում քննարկվել են արտաքին քաղաքական օրակարգին վերաբերող հարցեր:
Արայիկ Հարությունյանը ներկայացրել է Արցախի Հանրապետության իշխանությունների սկզբունքային դիրքորոշումը Արցախի հիմնախնդրի խաղաղ ու արդարացի կարգավորման շուրջ՝ ընդգծելով այդ հարցում խորհրդարանական դիվանագիտության հնարավորությունների լիարժեք օգտագործման անհրաժեշտությունը:
Իր հերթին Ալեն Սիմոնյանը ներկայացրել է վերջին շրջանում միջազգային գործընկերների հետ հանդիպումների, այդ թվում՝ օրեր առաջ ՌԴ կատարած այցի մանրամասները թեմայի շուրջ:
Հանդիպմանը կարևորվել է միասնական ջանքերով հայկական զույգ պետությունների առջև ծառացած մարտահրավերների հաղթահարումը:
Բաժանորդագրվեք մեր ալիքին Telegram-ում