1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի անդամ Լուկաս Սելարայանը գեղեցիկ գոլի հեղինակ է դարձել ՄԼՍ-ում:
«Արմենպրես»-ի հաղորդմամբ` ամերիկյան ՄԼՍ-ի հերթական տուրի շրջանակներում «Կոլամբուս Կրյու»-ն մրցեց «Շարլոտ»-ի հետ: Հանդիպումն ավարտվեց ոչ-ոքի` 2:2 հաշվով:
Հայաստանի ֆուտբոլի ազգային թիմի հարձակվող Լուկաս Սելարայանը «Կոլամբուս Կրյու»-ի մեկնարկային կազմում էր և խաղի 36-րդ րոպեին գոլի հեղինակ դարձավ խաղադաշտի կենտրոնից` տուգանայինից կատարած հարվածով գնդակն ուղարկելով մրցակցի դարպասը:«Կոլամբուս Կրյու»-նխաղադաշտից կենտրոնում տուգանային հարվածի իրավունք էր ստացել, գնդակին մոտ էր Սելարայանը, ով նկատելով, որ մրցակցի դարպասապահն առաջ է եկել, միանգամից հարվածեց դարպասին՝ բացելով հանդիպման հաշիվը:
Ընթացիկ մրցաշրջանում սա Սելարայանի 6-րդ գնդակն է ՄԼՍ-ում: