368.54
Գեղարքունիքի մարզի Ծաղկաշեն գյուղին հարակից դաշտերում այրվել է մոտ 20 հա խոտածածկույթ
1 րոպեի ընթերցում
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Գեղարքունիքի մարզային ճգնաժամային կառավարման կենտրոնը սեպտեմբերի 29-ին, ժամը 11։48-ին տեղեկություն է ստացել, որ Ծաղկաշեն գյուղին հարակից սարերում այրվում է խոտածածկույթ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է գյուղին հարակից դաշտերում:
Նշվում է, որ հրդեհը մեկուսացվել է ժամը 16:25-ին, մարվել՝ 16:30-ին: Այրվել է մոտ 20 հա խոտածածկույթ:
Բաժանորդագրվեք մեր ալիքին Telegram-ում