1 րոպեի ընթերցում
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: Թենիսի «Մեծ սաղավարտի» ԱՄՆ բաց առաջնության 2022 թվականի հաղթողը իսպանացի Կարլոս Ալկարասն է:
«Արմենպրես»-ի հաղորդմամբ` Նյու Յորքում կայացած ԱՄՆ բաց առաջնության տղամարդկանց մենախաղի եզրափակիչում մրցեցին Իսպանիայից Կարլոս Ալկարասը և նորվեգացի Կասպեր Ռուդը: 3 ժամ 20 րոպե ձգված մրցախաղի արդյունքում Ալկարասն առավելության հասավ 4 սեթերից հետո` 6:4, 2:6, 7:6, 6:3 հաշվով:
Իսպանացի Կարլոս Ալկարասն իր կարիերայի մեջ առաջին անգամ հաղթեց «Մեծ սաղավարտի» մրցաշարում և օրեր անց կդառնա աշխարհի առաջին ռակետը: Իսպանացին կլինի ամենաերիտասարդ թենիսիստը պատմության մեջ, ով դարձել է առաջին ռակետ: