1 րոպեի ընթերցում
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Կոտայքի մարզային ճգնաժամային կառավարման կենտրոնը սեպտեմբերի 3-ին, ժամը 17։14-ին ահազանգ է ստացել, որ Լեռնանիստ գյուղի մոտակայքում այրվում է խոտածածկույթ։
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է Լեռնանիստ գյուղի վերջնամասում՝ «Ինայի դաշտ» կոչվող տարածքում:
Նշվում է, որ հրդեհը մեկուսացվել է ժամը 19:10-ին, մարվել՝ 19:53-ին: Այրվել է մոտ 30 հա խոտածածկույթ։