1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Հայ գրոսմայստերները շարունակում են ելույթները Դուբայի միջազգային մրցաշարում:
«Արմենպրես»-ի հաղորդմամբ` Dubei Open շախմատային մրցաշարի 7-րդ տուրում Հայաստանի ներկայացուցիչներից հաղթանակ տոնեց Արամ Հակոբյանը: Սամվել Տեր-Սահակյանը կիսեց միավորը:
Հայաստանի շախմատի տղամարդկանց թիմի նախկին անդամ,այժմ ԱՄՆ դրոշի ներքո հանդես եկող Վլադիմիր Հակոբյանը պարտվեց:
Այժմ Արամ Հակոբյանն ունի 5,5 միավոր և առաջատարից հետ է կես միավորով:
Dubai օpen շախմատային 22-րդ մրցաշարն անցկացվում է շվեյցարական մրցակարգով: Մրցաշարին մասնակցում են 171 շախմատիստներ աշխարհի տարբեր երկրներից: Այն կեզրափակվի սեպտեմբերի 4-ին: