1 րոպեի ընթերցում
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Շախմատի միջազգային ֆեդերացիան ներկայացրել է սեպտեմբեր ամսվա դասակարգման նոր աղյուսակը:
«Արմենպրես»-ի հաղորդմամբ` տղամարդկանց վարկանիշային նոր աղյուսակում Հայաստանն ունի երեք ներկայացուցիչ: Գաբրիել Սարգսյանը 32-րդն է, Հայկ Մարտիրոսյանը` 80,-րդը, իսկ Շանթ Սարգսյանը` 87-րդը:
Կանանց դասակարգման աղյուսակում Էլինա Դանիելյանը զբաղեցրել է 37-րդ, Աննա Սարգսյանը` 77-րդ, իսկ Լիլիթ Մկրտչյանը` 93-րդ տեղը:
Տղամարդկանց դասակարգման աղյուսակի առաջատարն աշխարհի չեմպիոն Մագնուս Կարլսենն է: Հայաստանի հավաքականի նախկին առաջատար Լևոն Արոնյանը, ով այժմ հանդես է գալիս ԱՄՆ դրոշի ներքո, 8-րդն է: