1 րոպեի ընթերցում
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Երկուշաբթի՝ օգոստոսի 22-ին, եվրոյի փոխարժեքը ԱՄՆ դոլարի նկատմամբ առաջին անգամ 20 տարվա մեջ նվազել է 0,9952 դոլարի մակարդակից: «Արմենպրես»-ի հաղորդմամբ՝ այդ մասին հայտնում է «ՌԻԱ Նովոստի» լրատվական գործակալությունը՝ վկայակոչելով Մոսկվայի բորսայի վերջին տվյալները:
Ըստ հաղորդման՝ Մոսկվայի ժամանակով 18:52-ի դրությամբ եվրոյի փոխարժեքը դոլարի նկատմամբ հասել է մինչև 0,9932 դոլարի:
Ավելի վաղ եվրոյի փոխարժեքը նվազել էր 1 դոլարից՝ հուլիսի 14-ից ի վեր առաջին անգամ: Իսկ այժմ հաղթահարված է դեռևս 2002 թվականին գրանցված նվազագույնը, երբ 1 եվրոյի փոխարժեքը կազմել էր 0,9952 դոլար: