Փրկարարները գտել են Հանքավանում կորած երեքամյա երեխային

ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Փրկարարները Հանքավանի «Անի ռեզորթ» հանգստյան տան մոտակայքում հայտնաբերել են հունիսի 24-ին կորած երեքամյա երեխային՝ Ա․ Ռ․-ին։ Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, երեխային բուժօգնություն ցուցաբերելու անհրաժեշտություն չի եղել։

Ավելի վաղ ՀՀ ԱԻՆ-ը հայտնել էր, որ հուլիսի 24-ին, ժամը 13։48-ին Կոտայքի մարզային ճգնաժամային կառավարման կենտրոն ահազանգ է ստացվել, որ Հանքավան գյուղում կորել է 3-ամյա երեխա։

Դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ: