367.12
Դեսպան Ղևոնդյանն ու Ղազախստանի ԱԳ նախարարը քննարկել են փոխգործակցության հարցեր
1 րոպեի ընթերցում
ԵՐԵՎԱՆ, 19 ՀՈՒԼԻՍԻ, ԱՐՄԵՆՊՐԵՍ: Ղազախստանի Հանրապետության արտաքին գործերի նախարար Մուխթար Թիլեուբերդին հանդիպել է Ղազախստանում Հայաստանի Հանրապետության դեսպան Արմեն Ղևոնդյանի հետ։ «Արմենպրես»-ի հաղորդմամբ՝ այս մասին տեղեկացնում է Ղազախստանի արտաքին գործերի նախարարությունը:
Հանդիպման ընթացքում քննարկվել են երկկողմ համագործակցության, ինչպես նաև միջազգային կազմակերպությունների շրջանակներում Ղազախստանի և Հայաստանի փոխգործակցության հարցեր։ Զրուցակիցները նշել են երկկողմ առևտրի բարելավմանն ուղղված ջանքերի ուժեղացման և երկու երկրների գործարար շրջանակների համար բարենպաստ պայմանների ձևավորման անհրաժեշտությունը:
Քննարկվել են նաև համատեղ միջազգային միջոցառումների ժամանակացույցը և Ղազախստանի և Հայաստանի միջև դիվանագիտական հարաբերությունների հաստատման 30-ամյակի միջոցառումների հետ կապված հարցեր։
Բաժանորդագրվեք մեր ալիքին Telegram-ում