ՀՀ տարբեր տարածքներում հունիսի 3-5-ը նկատվել է 19 օձ

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնը հունիսի 3-5-ը 19 ահազանգ է ստացել հանրապետության տարբեր տարածքներում նկատված օձերի վերաբերյալ:

Ինչպես «Արմենպրես»-ին տեղեկացրին ՀՀ ԱԻՆ-ից, օձերընկատվել են Երևանում, Կոտայքի մարզի Հրազդան, Աբովյան, Եղվարդ, Սյունիքի մարզի Կապան, Վայոց ձորի մարզի Եղեգնաձոր, Տավուշի մարզի Բերդ, Շիրակի մարզի Մարալիկ, Արագածոտնի մարզի Աշտարակ,Արարատի մարզի Մասիս քաղաքներում և Սյունիքի մարզի Նորաշենիկ, Վայոց ձորի մարզի Վերնաշեն, Տավուշի մարզիԴովեղ, Ոսկեվան, Արագածոտնի մարզի Օհանավան, Կոտայքի մարզի Պռոշյան գյուղերում։

Ըստ աղբյուրի՝ դեպքերի վայր ժամանած փրկարարները բռնել են 4 շահմար, 4 գյուրզա, 7 լորտու, 2 սահնօձ, 1 իժ և 1 անհայտ տեսակի օձ և տեղափոխել անվտանգ տարածք: