Ծանրորդ Տաթև Հակոբյանը Եվրոպայի առաջնությունում պոկում վարժության բրոնզե մեդալակիր է

ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Հայաստանի ծանրամարտի կանանց հավաքականի անդամ Տաթև Հակոբյանը Եվրոպայի առաջնության պոկում վարժության բրոնզե մեդալակիր է:

«Արմենպրես»-ի հաղորդմամբ` Ալբանիայի մայրաքաղաք Տիրանայում ընթացող Եվրոպայի առաջնության կանանց 76 կգ քաշային կարգում Հայաստանը ներկայացնում էր Տաթև Հակոբյանը: Վերջինս պոկում վարժությունում երկու մոտեցմամբ բարձրացրեց 101 կգ և 104 կգ: Այս վարժությունում նա դարձավ բրոնզե մեդալակիր: Հրում վարժությունում Հակոբյանը երեք մոտեցմամբ էլ չբարձրացրեց 119 կգ, 120 կգ: Երկամարտում Հակոբյանը զրո ստացավ: Ավելի վաղ Հայաստանի հավաքականի կազմում Եվրոպայի առաջնության ոսկե մեդալ էր նվաճել Ռաֆիկ Հարությունյանը, իսկ Անդրանիկ Կարապետյանը դարձել էր պոկում վարժության արծաթե մեդալակիր: