Խոշոր հրդեհ է բռնկվել Ադրբեջանի արդյունաբերական պարկում

ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Ադրբեջանի Սումգայիթ քաղաքի Հաջի Զեյնալաբդին գյուղի «Ազերսուն» արդյունաբերական պարկում ապրիլի 28-ին խոշոր հրդեհ է բռնկվել (Բաքվից մոտ 35 կմ հեռավորության վրա):

«Արմենպրես»-ի հաղորդմամբ, այս մասին հայտնում է «ՌԻԱ Նովոստի»-ն։

Հրդեհի մարման աշխատանքներում ներգրավվել են Արտակարգ իրավիճակների նախարարության ուժերը, այդ թվում՝ ավիացիոն խմբի երկու ուղղաթիռ, ինչպես նաև հրշեջ գնացք։ Չնայած ջանքերին՝ կրակը չի մարվում ավելի քան երկու ժամ։

Սումգայիթ քաղաքը մեծությամբ Ադրբեջանի երկրորդ քաղաքն է և երկրի արդյունաբերական կենտրոնը։