Հանրապետությունում օդի ջերմաստիճանի բարձրացումը ջրածածկումների և հեղեղումների պատճառ կարող է դառնալ
1 րոպեի ընթերցում
ԵՐԵՎԱՆ, 31 ՄԱՐՏԻ, ԱՐՄԵՆՊՐԵՍ: Հանրապետության տարածքում օդի ջերմաստիճանի կտրուկ բարձրացմամբ պայմանավորված՝ ապրիլի 2-ին, 3-ին հանրապետության գետերում սպասվում է ջրի ելքերի մեծացում:
«Արմենպրես»-ին այս մասին տեղեկացրին ՀՀ շրջակա միջավայրի նախարարության հիդրոօդերևութաբանության և մոնիթորինգի կենտրոնից: «Առանձին գետերում կանխատեսվում է ջրի անբարենպաստ ելքեր, որոնց մերձափնյա հատվածներում հնարավոր են ջրածածկումներ և հեղեղումներ»,-նշված է կենտրոնի տարածած հաղորդագրության մեջ։
