Հայաստանի կարատեի առաջնության չեմպիոնները հայտնի են

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Կայացել էՀայաստանիկարատեիմեծահասակների34-րդառաջնությունը,որը շուրջ 110 մասնակից է ունեցելԵրևանից,ՀՀմարզերիցևԱրցախից:

«Արմենպրես»-ի փոխանցմամբ` աղջիկների թիմային կատա մրցակարգում ոսկե մեդալը նվաճել են Ալիսա Ասոյանը, Հասմիկ Ղազարյանը և Մարիամ Մուսայելյանը: Աղջիկների անհատական կատա մրցակարգում Հայաստանի չեմպիոն է հռչակվել Ալիսա Ասոյանը, իսկ տղաների անհատական մրցակարգում՝ Միխայիլ Մխիթարյանը:

Տղաների անհատական կումիտե մրցակարգում 2022 թվականի Հայաստանի չեմպիոնությունը նվաճել են Հովհաննես Կարապետյանը (-60 կգ քաշային կարգ), Սուրեն Հարությունյանը (-67 կգ), Դավիթ Մակյանը (-75 կգ), Եղիշե Ալեքսանյանը (-84 կգ) և Մարտին Մուրադյանը (+84 կգ):

Աղջիկների անհատական կումիտե մրցակարգում էլ Հայաստանի չեմպիոն են դարձել Ալիսա Ասոյանը, Ելենա Գասպարյանը (-50 կգ), Անուշ Մարուքյանը (-61 կգ) և Անիտա Մակյանը (-68 կգ):

Մրցաշարի պարգևատրման արարողությանը մասնակցել է նաև ՀՀ ԿԳՄՍՆ սպորտի բարձրագույն նվաճումների բաժնի պետ Արթուր Սեդրակյանը, ով Հայաստանի կարատեի ազգային ֆեդերացիայի կողմից պարգևատրվել է շնորհակալագրով՝ ֆեդերացիային ցուցաբերած աջակցության համար: