ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ։ Սևանա լճում փրկարարներն ափից մոտ 200 մետր հեռացած քաղաքացուն և նրա լողամիջոցը մոտեցրել են ափին։
«Արմենպրես»-ի հաղորդմամբ՝ այս մասին հայտնում են ՀՀ ներքին գործերի նախարարության փրկարար ծառայությունից։
«Գեղարքունիքի մարզային փրկարարական վարչության ճգնաժամային կառավարման կենտրոն հուլիսի 27-ին, ժամը 14:29-ին տեղեկություն է ստացվել, որ Շողակաթ գյուղի հանրային լողափում հերթապահություն իրականացնելիս փրկարարները նկատել են, որ սապբորդինգ սպորտաձևով զբաղվող քաղաքացին ափից մոտ 200 մետր հեռացել է և չի կարողանում ինքնուրույն վերադառնալ ափ։
Փրկարարները քաղաքացի Ա. Ի.-ին (ծնված 1994 թ․) և լողամիջոցը մոտեցրել են ափ», - նշված է հաղորդագրության մեջ: