1 րոպեի ընթերցում
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Երևանի Կինոյի տան 510 տեղանոց մեծ դահլիճը համալրվում է նոր սարքավորումներով և տեխնիկայով։ «Արմենպրես»-ի փոխանցմամբ՝ այս մասին «Ֆեյսբուք» սոցիալական ցանցի իր էջում գրել է «Ոսկե Ծիրան»-ի գեղարվեստական տնօրեն Կարեն Ավետիսյանը։
«Երևանի Կինոյի տան 510 տեղանոց մեծ դահլիճը (շուտով` նաև մյուսները) արդեն համալրվում է նոր էկրանով, բարձրակարգ DCP պրոյեկցիայով, JBL 5.1 բարձրորակ ձայնային դոլբի համակարգով, որոնց գործարկման համար Երևան են ժամանել գերմանացի մասնագետներ: Նրանք ապահովում են նաև Բեռլինի կինոթատրոնների ցուցադրությունների որակը»,- գրել է Ավետիսյանը։
Վերջինիս խոսքով՝ շուրջ մեկ տարի տևած նախագիծը, Հայաստանի կինոգործիչների միության հետ համատեղ, շնորհիվ GIZ Armenia և Geothe Center Yerevan կազմակերպությունների՝ իրականացրել է «Ոսկե ծիրան» Երևանի միջազգային կինոփառատոնը: