Հրշեջները մարել են Օշականում բռնկված հրդեհը

ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Արագածոտնի մարզային ճգնաժամային կառավարման կենտրոնը հունվարի 15-ին, ժամը 22:01-ին ահազանգ է ստացել, որ Օշական գյուղի Ձախափ թաղամասում այրվում է տնակ։

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Ըստ աղբյուրի՝ հրդեհը մեկուսացվել է ժամը 22:27-ին, մարվել` 23:18-ին: Այրվել են տնակի փայտե երեսպատումը (մոտ 20 քմ) և գույքը: