1 րոպեի ընթերցում
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Ղազախստանը լայնածավալ ճգնաժամ է ապրել հունվարի սկզբին, այն ամենածանրն է դարձել երկրի անկախության ողջ պատմության ընթացքում: Ինչպես տեղեկացնում է «Արմենպրես»-ը, ՀԱՊԿ գագաթնաժողովի ժամանակ այս մասին ասաց Ղազախստանի Հանրապետության նախագահ Կասիմ-Ժոմարտ Տոկաևը:
Նա նշեց, որ Ղազախստանում տեղի ունեցած իրադարձությունները վաղուց են նախապատրաստվել:
«Տեղի են ունեցել հանրահավաքներ, որոնց մասնակիցները սոցիալ-տնտեսական եւ հասարակական-քաղաքական պահանջներ են առաջադրել, դրանք բոլորը լսվել եւ կատարվել են պետության կողմից», - հայտարարել է Տոկաեւը:
Սակայն, ըստ երկրի ղեկավարի, Ղազախստանում ահաբեկիչները ձգտում էին իշխանությունը զավթել:
«Թեժ փուլ է սկսվել, եւ գործողության մեջ են մտել զինված գրոհայինների խմբեր, որոնք սպասում էին իրենց ժամին։ Ակնհայտ դարձավ գլխավոր նպատակը ՝ սահմանադրական կարգի տապալումը, կառավարման ինստիտուտների փլուզումը, իշխանության զավթումը։ Խոսքը պետական հեղաշրջման փորձի մասին է», - նշեց նա:
Տոկաևը հայտարարեց, որ ահաբեկիչների հիմնական հարվածն ուղղված էր Ալմաթիի դեմ, քաղաքի անկումը ճանապարհ կբացեր դեպի հարավ, իսկ հետո կհանգեցներ ամբողջ Ղազախստանի գրավմանը:
