Գեղարքունիքի մարզի բոլոր ճանապարհները բաց եւ անցանելի են

ԳԱՎԱՌ, 3 ՀՈՒՆՎԱՐԻ, ԱՐՄԵՆՊՐԵՍ։ Գեղարքունիքի մարզում հունվարի 3-ին տեղացած թույլ ձյունն էապես չի խոչընդոտել միջպետական, հանրապետական , մարզային եւ համայնքային նշանակության ճանապարհների անցանելիությանը։

Ինչպես «Արմենպրես»-ին տեղեկացրին Գեղարքունիքի մարզպետարանի քաղաքաշինության վարչությունից, մարզի ճանապարհներին նախորդ գիշերվա ընթացքում ձնածածկույթ չի առաջացել։ Որոշ տեղերում առաջացել է մերկասառույց, որը մշակվել է ճանապարհաշինարարների կողմից։

Հունվարի 3-ի կեսօրվա դրությամբ բաց եւ անցանելի են բոլոր ճանապարհները։

Խոսրով Խլղաթյան