1 րոպեի ընթերցում
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ երկրորդ նախագահ Ռոբերտ Քոչարյանը տեսնում է հնարավորություն Արցախի հարցում ինչ-որ բան շտկելու համար, սակայն հրաժարվում է այս պահին մանրամասներ ներկայացնել:
«Այո, ես տենում եմ հնարավորություն ակտիվ դիվանագիտական աշխատանքի շնորհիվ ինչ-որ բան այս իրավիճակում փրկելու, տեսնում եմ այդ ճանապարհը: Այս իշխանությունը չի էլ փորձելու դա անել, որովհետև այս մարդիկ իրենց ամբողջ գիտակից կյանքի ընթացքում մտածել են այնպես, ինչ այսօր անում են: Իրենցից սպասելիքը զրոյական է: Հիմա իմ առաջարկն է փոխենք, տանք հնարավորություն այն մարդկանց, որոնք ամբողջ իրենց կյանքում ցույց են տվել, որ այլ կերպ են մտածում»,- «Արմենպրես»-ի հաղորդմամբ` ամփոփիչ մամուլի ասուլիսի ժամանակ այս մասին ասաց Քոչարյանը:
Ըստ երկրորդ նախագահի` ճանապարհը բարդ է լինելու և առանց կորստի չի լինելու:
«Այո, որոշ ուղղություններով մենք ի վիճակի ենք ինչ-որ բան շտկել: Այո, նաև Արցախի կարգավիճակի մասով: Տեսնում եմ քայլերի հերթականություն, որով կարելի է ինչ-որ բան փրկել»,- եզրափակեց Քոչարյանը: