368.15
«Իմ քայլը» խմբակցության ղեկավարը շնորհակալություն հայտնեց Հայկ Մարությանին կատարած աշխատանքի համար
2 րոպեի ընթերցում
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ։ «Իմ քայլը» խմբակցության ղեկավար Արմեն Գալջյանը շնորհակալություն հայտնեց քաղաքապետ Հայկ Մարությանին՝ պաշտոնավարման երեք տարիների ընթացքում կատարած աշխատանքի և ծառայության համար։
«Անշուշտ, երեք տարիների ընթացքում բազմաթիվ գործեր են արվել ի նպաստ քաղաքի, բազմաթիվ կարևոր արդյունքներ են գրանցվել, մի քանի կարևոր հիմնարկներ են ստեղծվել Ձեր ղեկավարման տարիներին, որոնք էական նշանակություն ունեն քաղաքի կառավարման տեսանկյունից»,- «Արմենպրես»-ի հաղորդմամբ՝ ավագանու արտահերթ նիստի ընթացքում, ներկայացնելով Հայկ Մարությանին անվստահություն հայտնելու հարցը, ասաց Արմեն Գալջյանը։
«Իմ քայլը» խմբակցության ղեկավարը նշեց, որ նախընտրական խոստումները ինչ-որ չափով իրականացել են և վստահեցրեց, որ առաջիկա երկու տարիներին կշարունակեն իրականանալ։
Արտահերթ նիստի օրակարգում է Երևանի քաղաքապետ Հայկ Մարությանին անվստահություն հայտնելու և գործող առաջին փոխքաղաքապետ Հրաչյա Սարգսյանի թեկնածությունը առաջադրելու հարցերը,որը նախաձեռնել էր «Իմ քայլը» խմբակցությունը։ Նախաձեռնությանը միացել է «Բարգավաճ Հայաստան» խմբակցությունը։
Ավագանիները գաղտնի քվեարկությամբ որոշելու են քաղաքապետին անվստահություն հայտնելուև նոր քաղաքապետ ընտրելուհարցը։
Բաժանորդագրվեք մեր ալիքին Telegram-ում