Հրշեջները մարել են Գեղարքունիքի մարզի Զովաբեր գյուղում բռնկված հրդեհը

ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Գեղարքունիքի մարզային ճգնաժամային կառավարման կենտրոնը նոյեմբերի 28-ին, ժամը 10:51-ի ահազանգ է ստացել, որհրդեհ է բռնկվել Զովաբեր գյուղի տներից մեկում:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ։

«Պարզվել է, որ հրդեհը բռնկվել է 7-րդ փողոցի 3-րդ փակուղու տներից մեկի տանիքում (մոտ 60 քմ):

Հրդեհը մեկուսացվել է ժամը 11:20-ին, մարվել՝ 11:40-ին»,- ասվում է հաղորդագրության մեջ:

Ըստ աղբյուրի՝ այրվել են տանիքի փայտե կառուցատարրերը (մոտ 60 քմ):