397.35
ՀՀ փոխվարչապետ Մաթևոսյանը նոր պաշտոնում առաջին հանդիպումն անցկացրել է Արցախի նախագահ Հարությունյանի հետ
1 րոպեի ընթերցում
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: ՀՀ փոխվարչապետ Համբարձում Մաթևոսյանը նոր կարգավիճակում նոյեմբերի 26-ին առաջին հանդիպումն ունեցել է Արցախի Հանրապետության նախագահ Արայիկ Հարությունյանի հետ:
Ինչպես «Արմենպրես»-ին տեղեկացրին ՀՀ փոխվարչապետ Համբարձում Մաթևոսյանի գրասենյակից, շնորհավորելով նրան ՀՀ փոխվարչապետի պաշտոնն ստանձնելու կապակցությամբ՝ Արցախի նախագահը գործունեության մեջ մաղթել է հաջողություններ և ձեռքբերումներ՝ ի նպաստ Հայաստանի և Արցախի:
Ըստ աղբյուրի՝ աշխատանքային հանդիպման ընթացքում քննարկվել են երկկողմ գործակցության հարցերը, առկա սոցիալ-տնտեսական խնդիրների լուծման ուղիները: Անդրադարձ է կատարվել Լեռնային Ղարաբաղի հակամարտության և անվտանգության խնդիրներին:
Բաժանորդագրվեք մեր ալիքին Telegram-ում