Ադրբեջանը փորձել է դիրքային առաջխաղացում ապահովել ՀՀ սահմանի արևելյան ուղղությամբ. ՀՀ կողմից տուժածներ չկան
1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Ադրեջանական ԶՈՒ ստորաբաժանումները նոյեմբերի 14-ին, ժամը 13։00-ի սահմաններում, փորձել են դիրքային առաջխաղացում ապահովել հայ-ադրբեջանական սահմանի արևելյան ուղղությամբ։ Սկսվել է ինտենսիվ փոխհրաձգություն։ Հայ դիրքապահները կանխել են հակառակորդի փորձերը՝ դիրքավորվել այդ տարածքում։ Իրադրությունը դեռևս շարունակում է լարված մնալ։ «Արմենպրես»-ին յս մասին տեղեկացրին ՀՀ պաշտպանության նախարարությունից։
«Ներկա պահին, ռուսական կողմի միջնորդությամբ, ընթանում են բանակցություններ՝ իրադրության հանգուցալուծման ուղղությամբ։ Հայկական կողմից տուժածներ չկան»,- հայտնում են ՀՀ պաշտպանության նախարարությունից՝ հավելելով, որ պարբերաբար տեղեկատվություն կտրամադրեն իրադրության հետագա զարգացումների վերաբերյալ։