ՀՀ պաշտպանության նախարարը և ՉԺՀ դեսպանության ռազմական կցորդը քննարկել են համագործակցության ընթացքն ու հեռանկարները
1 րոպեի ընթերցում
![ՀՀ պաշտպանության նախարարը և ՉԺՀ դեսպանության ռազմական կցորդը քննարկել են համագործակցության ընթացքն ու հեռանկարները](http://armenpress.am/resized/480/static/news/b/2021/10/1065713.jpg)
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ պաշտպանության նախարար Արշակ Կարապետյանը հոկտեմբերի 15-ին ընդունել է Հայաստանի Հանրապետությունում Չինաստանի Ժողովրդական Հանրապետության դեսպանության պաշտպանական հարցերով ռազմական կցորդ, ավագ գնդապետ Սուն Ցզիլունին:
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, հանդիպման ընթացքում քննարկվել են պաշտպանական բնագավառում երկկողմ համագործակցության ընթացքն ու հեռանկարները: ՀՀ պաշտպանության նախարարը բարձր է գնահատել երկու պետությունների պաշպանության նախարարությունների միջև ներկայիս փոխգործակցության մակարդակը: