ՀՀ-ում ԱՄՆ դեսպանը «Եռաբլուր»-ում հարգանքի տուրք է մատուցել 44-օրյա պատերազմի զոհերի հիշատակին
1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում ԱՄՆ դեսպան Լին Թրեյսին 2020 թվականին Ադրբեջանի կողմից սանձազերծված արցախյան 44-օրյա պատերազմի տարելիցի առիթով այցելել է «Եռաբլուր» զինվորական պանթեոն:
«Արմենպրես»-ի հաղորդմամբ` դեսպանը հարգանքի տուրք է մատուցել պատերազմի զոհերի հիշատակին, խոնարհել ծաղիկներ:
Սեպտեմբերի 27-ին լրանում է Ադրբեջանի կողմից Արցախի դեմ սանձազերծված 44-օրյա պատերազմի տարելիցը: Չնայած նոյեմբերի 9-ի եռակողմ հայտարարությանը՝ Ադրբեջանն առ այսօր հրաժարվում է ամբողջությամբ վերադարձել հայ գերիներին:
