1 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Կառավարության նիստի սկզբում փոխվարչապետ Սուրեն Պապիկյանը, ով վարչապետ Նիկոլ Փաշինյանի՝ արձակուրդում գտնվելով պայմանավորված,վարում է նիստը, շնորհավորեց բոլորին Արցախի Հանրապետության անկախության հռչակման 30-ամյակի առթիվ:
«Այսօր սեպտեմբերի 2-ն է՝ մեզ համար շատ կարևոր ու հիշարժան օր։ Արցախի Հանրապետության օրվա կապակցությամբ շնորհավորում եմ բոլորիս՝ արցախահայությանը մաղթելով տոկունություն և կամք՝ առկա մարտահրավերներին դիմագրավելու համար»,- ասաց Սուրեն Պապիկյանը։