4 րոպեի ընթերցում
«Ապացույցներն անհերքելի են. ջերմոցային գազերի արտանետումները խեղդում են մեր մոլորակը եւ վտանգի ենթարկում միլիարդավոր մարդկանց: Գլոբալ տաքացումն ազդում Է Երկրի յուրաքանչյուր տարածաշրջանի վրա, բազմաթիվ փոփոխություններ դառնում են անդառնալի: Մենք պետք Է վճռականորեն գործենք կլիմայական աղետը կանխելու նպատակով»,-ՄԱԿ-ի գլխավոր քարտուղար Անտոնիու Գուտերիշը Twitter-ում գրել Է ԿՓՓՄԽ-ի հաշվետվության հրապարակման կապակցությամբ:
Հաշվետվության համաձայն, «կլիմայի դիտարկվող փոփոխություններից շատերն աննախադեպ են հազարավոր, եթե ոչ՝ հարյուր հազարավոր տարիներ», իսկ փոփոխություններից շատերը, որոնք արդեն սկսվել են, օրինակ, ծովի մակարդակի շարունակական բարձրացումը, «անդառնալի կլինեն հարյուր հազարավոր տարիներ»:
Զեկույցում նշվում Է, որ եթե շտապ կարգով չկրճատվեն ջերմոցային գազերի արտանետումները մթնոլորտ, ապա հնարավոր չի լինի առաջիկա տասնամյակում սահմանափակել միջին համաշխարհային ջերմաստիճանի՝ Ցելսիուսի 1,5 աստիճան կամ գոնե Ցելսիուսի 2 աստիճան բարձրացումը: Ավելի վաղ 2018 թվականին ԿՓՓՄԽ-ն հրապարակել Էր «Գլոբալ տաքացում Ցելսիուսի 1,5 աստիճանով» զեկույցը, որում նշել Է, որ մոլորակն արդեն տառապում Է Ցելսիուսի 1 աստհիճանով գլոբալ տաքացումից, ուստի անհրաժեշտ Է սահմանափակել տաքացումը Ցելսիուսի 1,5 աստիճանի մակարդակով:
Փորձագետները հայտարարել են, որ կլիմայի փոփոխությունը վերաբերում Է աշխարհի բոլոր տարածաշրջաններին, եւ առաջիկա տասնամյակներին բոլոր տարածաշրջաններում այն Է՛լ ավելի զգալի կդառնա: Ցելսիուսի 1,5 աստիճանով միջին համաշխարհային ջերմաստիճանի բարձրանալու դեպքում կավելանա անոմալ տապերի ալիքների քանակությունը, տարվա տաք եղանակները կդառնան ավելի երկար. իսկ ցուրտ եղանակները՝ ավելի կարճ:
Ցելսիուսի 2 աստիճանով գլոբալ տաքանալու դեպքում տապը լուրջ սպառնալիք կդառնա մարդկանց առողջության եւ գյուղատնտեսության համար:
Կլիմայի փոփոխությունը կհանգեցնի ոչ միայն միջին համաշխարհային ջերմաստիճանի բարձրացման, այլեւ եղանակային այլ պարամետրերի փոփոխության, ինչը կարող Է հանգեցնել հեղեղումների թվաքանակի ավելացման, սառցադաշտերի հալվելու, ծովային Էկոհամակարգի փոփոխության:
Նաեւ զեկույցում նշվում Է, որ մարդու գործունեությունը գլոբալ տաքացման գլխավոր եւ անվիճելի պատճառն Է:
Փորձագետները եկել են այն եզրակացության, որ ածխաթթու գազերի եւ ջերմոցային մյուս գազերի մթնոլորտ արտանետումների արագ եւ զգալի կրճատումը կարող Է կլիմայի փոփոխություններն այնքան Էլ ուժեղ չդարձնել:
ԿՓՓՄԽ-ի զեկույցը Գնահատիչ վեցերորդ զեկույցի մի մասն Է, որի շուրջ ընդհանրացնող զեկույցը կհրապարակվի 2022 թվականին:
ԿՓՓՄԽ-ի ընդհանրացնող զեկույցները հրապարակվում են 6-7 տարին մեկ անգամ: ԿՓՓՄԽ-ն ընդհանրացնող զեկույցների միջեւ ընկած ժամանակաշրջանում նաեւ հատուկ զեկույցներ Է հրապարակում ավելի կոնկրետ հարցերի շուրջ, հաղորդել Է «Ինտերֆաքս»-ը:
